OpenAI-ning birjaga chiqish rejasi katta qiyinchiliklarga duch kelishi mumkin

Baʼzi manbalarga ko‘ra, Musk OpenAI va uning eng yirik sarmoyadori Microsoft kompaniyasidan 150 milliard dollar (taxminan 1,02 trillion yuan) miqdorida kompensatsiya talab qilgan bo‘lib, ushbu tovon puli OpenAI’ning xayriya bo‘limiga yo‘naltiriladi. Maʼlumotlarga ko‘ra, daʼvo jarayonida Musk OpenAI’ning bosh direktori Altman va Microsoft kompaniyasini OpenAI tashkil topgan vaqtda eʼlon qilingan insoniyatga manfaat keltirishga qaratilgan notijorat missiyasidan voz kechganlikda ayblagan, shuningdek, OpenAI’ga notijorat maqomini tiklashni, Altman va boshqa yuqori lavozimli rahbarlarni lavozimidan ozod qilishni talab qilmoqda. OpenAI’ning yuristlari esa javoban taʼkidladiki, Musk ushbu daʼvoni asosan OpenAI’ni nazorat qilish va o‘ziga qarashli sunʼiy intellekt kompaniyasi xAI’ni targ‘ib qilish maqsadida boshlagan. OpenAI vakillari qayd etishicha, Musk avval kompaniyaning yangi tuzilmasi muhokamalarida to‘liq ishtirok etgan, hatto bosh direktor bo‘lishni ham qatʼiy talab qilgan. Ayrim tahlilchilarga ko‘ra, bu daʼvo aynan OpenAI birlamchi ommaviy taklif (IPO)ga, yaʼni birinchi marotaba aksiyalarini ommaga taklif qilish arafasida bo‘lgan muhim vaqtda yuz bermoqda. OpenAI hozirda 852 milliard dollarga baholanmoqda, avvalroq esa eng erta shu yilning to‘rtinchi choragida ommaviy taklif o‘tkazishni rejalashtirgan edi. Agar Musk daʼvoda g‘alaba qozonsa, nafaqat OpenAI’ning kompaniya tuzilmasi, moliyalashtirish yo‘nalishlari va hatto ommaviy taklif rejalari qayta ko‘rib chiqilishiga to‘g‘ri keladi. OpenAI bilan chuqur hamkorlik qiladigan Microsoft, Oracle, NVIDIA, Amazon kabi texnologiya gigantlari hamda umumiy hajmi 840 milliard dollardan oshadigan AI sanoat tarmog‘i ham zanjirli zarbaga uchrashi mumkin.