Robinhood Chain-də şəbəkə aktivliyinin güclü artımı gündəlik tranzaksiya haqlarını rekord səviyyələrə çatdırıb və bu da Arbitrum ekosistemi üçün gəlirləri əhəmiyyətli dərəcədə artırıb. DeFiLlama-nın məlumatlarına görə, Robinhood Chain sentyabrın 1-də təxminən 3,75 milyon dollar həcmində gündəlik haqq gəliri yaradıb və bu, ardıcıl dördüncü dəfə olaraq bütün zamanların ən yüksək səviyyəsinə çatıb. Bu göstərici Robinhood Chain-i həmin gün ən çox gəlir gətirən blokçeyn şəbəkəsinə çevirib.
Robinhood Chain-in haqq gəlirinin 10%-nin Arbitrum Foundation ilə bölüşdüyü qeyd olunur. Bu payın 80%-i Arbitrum DAO-ya, qalan 20%-i isə developer fonduna yönəldilir. Beləliklə, yalnız bir günlük Robinhood Chain aktivliyi Arbitrum ekosistemi üçün təxminən 370,000 dollar gəlir təmin edib.
Bu rəqəmlərin diqqətçəkən tərəfi ondadır ki, Robinhood Chain-dən gələn gəlir Arbitrum-un əsas şəbəkəsindən əldə olunan tranzaksiya haqlarını xeyli üstələyib. Həmin gün Arbitrum şəbəkəsinin yaratdığı ümumi tranzaksiya haqlarının 15,000 dolların altında qaldığı bildirilib.
DeFiLlama məlumatları həmçinin göstərir ki, Robinhood Chain-də kilidlənmiş aktivlərin ümumi dəyəri təxminən 757 milyon dollara çatıb, sabitkoinlərin bazar dəyəri isə 833 milyon dollara yüksəlib.
Bu inkişafların nəticəsində Arbitrum (ARB)-ın qiymətində də artım müşahidə edilib.
